Dega e një institucion të mikrokredisë është grabitur në orët e drekës në kryeqytet. Ngjarja ka ndodhur në kryqëzimin e rrugës “Hoxha Tahsin” dhe rrugës “Bardhyl”.
Nuk dihet ende shuma e grabitur, ndërsa dëshmitarët thonë se ka qenë vetëm një autor. Sakaq, policia ka mbërritur në vendngjarje.
Tiranë/Informacion paraprak
Rreth orës 13:40, në rrugën “Bardhyl”, një shtetas ende i paidentifikuar dyshohet nën kërcënimin e armës, ka vjedhur një shumë parash në një filial të dhënies së kredive dhe është larguar me shpejtësi.
Në të gjitha hyrje-daljet e Tiranës, janë ngritur pika kontrolli, si dhe janë shtuar sherbimet ku po behet krehja e zonës.
Grupi hetimor vijon punën për zbardhjen e rrethanave të ngjarjes, me qëllim identifikimin e autorëve.