Mjeku i njohur Blenard Nonaj, i cili do të kandidojë nën siglën e LSI-së në qarkun e Beratit duke shprehur synimin e programit të LSI-së për fondin e bebeve thotë se ai synon frenimin e shpopullimit.
Nonaj i referohet shifrave të INSTAT për vitin që lamë pas, sipas të cilit për herë të parë ka ndodhur ulja e shtesës natyrore të popullsisë.
POSTIMI I NONAJT
Të dhënat e publikuara për Vitin 2020 nga INSTAT, sipas të cilit në Shqipëri për herë të parë ka ndodhur ulja e shtesës natyrore të popullsisë, (pra numri i vdekjeve është më i lartë se sa ai i lindjeve), padyshim që është një lajm shumë i keq. Sigurisht që një nga faktorët e këtij rekordi negativ është dhe largim masiv i popullatës së re nga vendi. Por lajmi i mirë është që LSI nëpërmjet programit të saj qeverisës, dhe një prej prioriteteve kryesor të tij, programi “Nga Bebja në Bebe”, do të mundësojë mbështetjen financiare për familjet e reja, nëpërmjet krijimit të Fondit Depozitë, me financim deri në 1000 USD çdo vit, për 25 vjet për çdo bebe të sapolindur.
Ky program dhe gjithashtu plani i LSI-së që nxit punësimin e të rinjve do të frenojë shpopullimin, do të rikthejë shpresën dhe do të bëjë, që shqiptaret dhe veçanërisht të rinjtë, ta ndërtojnë të ardhmen e tyre në Shqipëri.