Lëvizja Vetëvendosje në Shqipëri ka prezantuar ditën e sotme kandidatin e saj në qarkun e Gjirokastrës, për zgjedhjet e 25 prillit, Kreshnik Merxhani. Në fjalën e tij, Merxhani ka thënë se për këtë zonë janë bërë shumë premtime për të zhvilluar turizmin, por nuk kanë dhënë rezultate të mira.
Ai tha se Gjirokastra mund të zhvillohet në shumë aspekte të tjera, të cilat VV i ka në agjendën e saj. Ai gjiothashtu ka thënë se përveç Gjirokastrës si qytet, investime do të ketë edhe në zonat e tjera përreth si Përmeti, Tepelena, Libohova, Këlcyra, Memaliaj, Dropulli dje të tjera zona.
Prezantimi i kandidatit nga zgjedhësit, Kreshnik Merxhani, për qarkun e Gjirokastrës
Lëvizja VETËVENDOSJE! Qendra në Shqipëri prezantoi sot para mediave dhe publikut të gjerë kandidatin nga zgjedhësit, Kreshnik Merxhani, për qarkun e Gjirokastrës në zgjedhjet parlamentare të 25 prillit.