Një nga të arrestuarit nga policia për dhunën e ushtruar në protestën e djeshme është edhe 42 vjeçari Saimir Rexhepi nga Cërriku, i njohur ndryshe me pseudonimin ‘Ujku i Cërrikut’.
Pas kësaj ka shpërthyer deputeti i Partisë Demokratike Luçiano Boçi, i cili shprehet se ‘Ujku i Cërrikut’ u arrestua nga çakalli i qeverisë, duke iu referuar kryeministrit Edi Rama.
‘Ujku’ që njihet në Cërrik për pozitivitetin e tij, për humorin që prodhon, por dhe për varfërinë që e shoqëron, nga dje është shpallur ‘kriminel’, shkruan Boçi në Facebook.
Reagimi i plotë:
“UJKU” I CËRRIKUT DHE
ÇAKALLI I QEVERISË
Njoftimi se “Ujku” i Cërrikut u arrestua, u shpërnda me shpejtësi ne median online.
Nga dje, personazhi i njohur për pamjen e tij dhe deklaratat në emisione sarkastike, u shpall “armik publik”!
U shpall i tillë me urdhër të Çakallit Kryeministër që qëndron në krye të vendit dhe që u zbatua me qejf nga kapterri i tij prej qelqi.
“Ujku” që njihet në Cërrik për pozitivitetin e tij, për humorin që prodhon, por dhe për varfërinë që e shoqëron, nga dje është shpallur “kriminel”.
Ndërsa Çakalli, i shquar për grabitjet spektakolare të publikut, për bashkëpunim me krimin, për hajdutëri gjigande me miliarda, dje është duartrokitur nga njerëz-karrike që shpirtin nuk e kishin marrë me vete, si “i nderuar”!?
Këtu kemi mbërritur!
“Ujku” i Cërrikut, shprehu zemërimin e tij kundër varfërisë, mjerimit, padrejtësisë dhe përfundon pas hekurave.
Çakalli Kryeministër që batërdis, mashtron, kriminalizon, deliron çmendurisht një vend të tërë shijon luksin e pushtetit.
Kjo është Demon-kracia jonë që duhet përmbysur!