Protesta e fundit e opozitës ashtu sic ishte faktuar edhe nga tirananews.al rezultoi e dhunshme. Protestuesit e thirrur nga Partia Demokratike dhe Lëvizja Socialiste për Integrim sulmuan me mjete rrethanore godinën e qeverisë.
Po cilët ishin personat më të dhunshëm ?
Së pari ra në sy fakti se opozita kishte karikuar persona që kishin probleme me shëndetin mendor. Kjo është e pafalshme që të “shfrytëzosh” për të ardhur në pushtet persona që janë të sëmurë. Ata në cdo rast duhen mbajtur larg, nuk duhen përdorur për të dhunuar institucionet. Nuk mund të marrësh pushtetin duke vënë në krye të protestës persona që për shkaqe të ndryshme nuk janë normal.
Së dyti, persona të evidentuar si kontigjente të Policisë, nuk është ligjore dhe qytetare të përdoren për të sulmuar godinat shtetërore apo Policinë. Për ditë me radhë iu kërkua PD e LSI të distancohet nga persona me rekorde kriminale. Për ditë me radhë ata u thirrën nga drejtues të PD-së nga Tirana në rrethe dhe u kërkua të ishin në ballë të “luftës”. Aktualisht përdoren për të rrëzuar qeverinë dhe pastaj ky takëm do të jetë në drejtimin e institucioneve.
Së treti, punonjësit e bashkive të djathta, Kamës, Lezhë, Shkodër, Kukës, Mat, Klos, Tropojë, etj u transportuan dhe në Tiranë u bë apeli për mungesat e tyre. Lekë, karburant, ushqim u sigurua nga “sponsorët” e PD-së. Keqpërdorimi i administratës është një tjetër abuzim serioz i opozitës. Ashtu si dikur edhe specialistët e lartë trysnohen të mbajnë gurë, flamuj, drunj, dhe të sulmojnë institucionet qëndrore.
Së katërti, opozita aty ku ka pushtetin lokal vijon të shfrytëzojë shtresat vunerabël, të varfërit, romët,egjiptianët, përfituesit e ndihmës ekonomike. “Na dhanë lekë dhe na thanë se po nuk vajtëm në protestë na heqin ndihmën, shprehen romët”. Ky është një tjetër abuzim i madh. Sot i përdorin mish për top dhe i dërgojnë nga rrethet e veriut në Tiranë, kur vijnë në pushtet i lënë në mëshirë të fatit…
A duhet të hetojnë Prokuroria shqiptare rreth këtyre abuzimeve ?
Hasan PASHA