Kryeministri Edi Rama ka publikuar disa foto nga procesi i vaksinimit të mjekëve dhe të të banorëve të Shtëpisë së të Moshuarve.
Kreu i qeverisë ka edhe një mesazh për skeptikët, ndërsa thekson se ashtu siç po bëhet realitet Rindërtimi i shtëpive, shkollave, qendrave shëndetësore e lagjeve të reja, do bëhet realitet edhe vaksinimi.
Kujtojmë se në Tiranë vaksinimi vazhdoi me bluzat e bardha të Durrësit, Matit, Bulqizës, si edhe me banorët e Shtëpisë së të Moshuarve e personelin e kujdestarëve të tyre
“Ashtu siç po bëhet realitet Rindërtimi i shtëpive, shkollave, qendrave shëndetësore e lagjeve të reja, çka askush nuk e besonte kur ra tërmeti shkatërrimtar, ashtu do të bëhet realitet Vaksinimi i krejt popullit, më shpejt se sa shumëkush mund ta mendojë sot dhe aspak më vonë se shumë shtete të tjera në Europë e në rajon po se po.
Tiranë, ku sot vaksinimi vazhdoi me bluzat e bardha të Durrësit, Matit, Bulqizës, si edhe me banorët e Shtëpisë së të Moshuarve e personelin e kujdestarëve të tyre”, shkruan Rama.
Reagimi i Ramës vjen pas alarmit të ngritur nga presidenti Ilir Meta se ‘vendi po shkon drejt katastrofës’.