Melanoma është një nga llojet më agresive dhe të rrezikshme të kancerit. Por sa më herët të diagnostikohet kjo sëmundje, aq më shumë shanse ka pacienti për një shërim të plotë. Heroi kryesor i artikullit është, Alexander Shut, i cili ishte një njeri me shumë fat: ai vuri re shenjat e hershme në kohë dhe mjekët e diagnostikuan me melanomë në fazat e hershme. Në llogarinë e tij në Twitter, ai tregoi historinë të detajuar rreth asaj që i ndodhi duke shpresuar se kjo mund t’i shpëtonte jetën dikujt.
“Këtë verë, unë u diagnostikova me melanoma, një sëmundje onkologjike shumë e rrezikshme. Ajo quhet gjithashtu “Mbretëresha e Kancerit”, dhe për shkak se të gjithë ne jemi në grupin e rrezikut, unë po shkruaj këtë postim rreth melanomës: si ta gjejmë dhe ta heqim qafe me kohë.
Çdokush mund të ketë melanomë. Në dekadat e fundit, ka pasur një rritje të numrit të njerëzve që kanë melanoma. Kjo sepse tani është në modë qëndrimi me orë të gjata në diell gjatë periudhës së plazhit. Drita UV është arsyeja kryesore pse shfaqet ky lloj tumori.
Melanoma zhvillohet nga qelizat që prodhojnë melatonin. Ky pigment është përgjegjës për ngjyrën e lëkurës, ngjyrën e flokëve dhe ngjyrën e irisit. Kjo është arsyeja pse afrikanët janë të me ngjyrë të erët dhe njerëzit e bardhë bëhen më ngjyrë të errët pas ekspozimit në dritën UV.
Shumë pak njerëz e dinë se si duken nishanet problematike dhe ata shkojnë tek mjekët vetëm kur ky nishan i vogël fillon të shkaktojë telashe, me fjalë të tjera: rriten, bëhen më të lartë se niveli i lëkurës ose rrjedhin gjak. Në këtë pikë, trupi mund të ketë tashmë metastaza.
Melanoma nuk është e rrezikshme vetëm sepse nuk ka shenja në fazën e hershme, por edhe sepse është jashtëzakonisht agresive kur zhvillohen metastazat.
Ka rreth 95-98% mundësi që pikasja e hershme të na shpëtojë jetën. Tumori im u gjet në një fazë të hershme dhe u hoq. Nuk kishte kohë të mjaftueshme për t’u përhapur rreth trupit. Unë kam nevojë për kontrolle të rregullta nga onkologu im.
Unë e dija çfarë ishte melanoma, kështu që vendosa të kontrolloj nishanet e mia. Mendova se nishanet e mia të tjera ishin kancerogjene. Por ai për të cilin as nuk mendova se ishte, doli të ishte kancer.
Qëllimi pse po ju tregoj historinë time është që të ngriheni nga divani dhe të shkoni të bëni një vizitë tek dermatologu juaj. Kontrolloni shpesh nishanet dhe bëni një kontroll tek mjeku juaj 1 herë në vit”, ka rrëfyerAlexander.
Ekzistojnë disa kritere për nishanet “e këqija”.
А (Asimetria) – Kur nishani është asimetrik, shkoni tek dermatologu juaj.
В (Kufiri) –Kur shihni linja të gabuara, të paqarta.
C (Ngjyra) – Kur ngjyra e nishanit është heterogjene. Pra ngjyra është e ndryshme në pjesë të ndryshme ose e zbehtë.
D (Diametri) – Kur nishani filloi të rritet në diametër.
E (Evolucioni) – Kur shihni ndryshime në nishan si për shembull rritja, tkurja etj.
Nëse jeni diagnostikuar me melanoma, kjo duhet të jetë një sfidë për ju. Mjekësia ka bërë një përparim të jashtëzakonshëm në trajtimin e kancerit dhe fazat më të hershme të kancerit janë të shërueshme. Mos kini frikë!