Klaudio Ibraim Vaz Leal, i njohur nga të gjithë në botën e futbollit si Branko, një legjendë e Brazilit me të cilin ka fituar Botërorin e vitit 1994, është në gjendje të rëndë si pasojë e COVID-19. Ish-futbollisti, tashmë 56-vjeçar, është intubuar pasi është në gjendje të rëndë, sipas asaj që raportohet nga mediat në Brazil.
Branko, i njohur për goditjet e tij të dënimit me të majtën, aftësi të cilën ia tregoi të gjithë botës pikërisht në Botërorin e vitit 1994 duke vendosur ndeshjen çerekfinale ndaj Holandës, prej disa vitesh punon në Federatën Braziliane të Futbollit, si koordinator i ekipeve kombëtare.
Ka qenë pikërisht Federata e cila ka bërë të ditur se Branko është i shtruar në një spital në Rio pasi gjendja e tij është përkeqësuar që tre ditë më parë. Sipas informacioneve nga Brazili, ai aktualisht ka një infeksion të rëndë në mushkëri, ndaj është dashur që të vendosej në intubim.