Benevento mund Juventusin në shtëpi

Benevento ka shkaktuar tronditje të madhe në Serie A, pasi mundi kampionin në fuqi, Juventusin, duke ia zbehur dukshëm gjasat për ta mbrojtur titullin.
Adolfo Gaich e shënoi golin e vetëm dhe atë që ishte goli i tri pikëve historike për Beneventon në Allianz Stadium, në përpjekjet e saj për mbijetesë në ligën elitare italiane të dielën.
Si pasojë e kësaj humbjeje, e cila e katërta për skuadrën e Andrea Pirlos këtë sezon, bardhezinjtë mbeten në shifrën e 55 pikëve, 10 larg liderit Inter, 11 ndeshje para përfundimit të sezonit 2020/21.