Bashkimi Evropian dhe Agjencia Evropiane e Barnave (EMA) i dhanë dritën jeshile vaksinës Johnson & Johnson dhe më vonë u miratua zyrtarisht për përdorim në bllok nga Komisioni Evropian.
Vaksina J&J është e katërta që i jepet miratimi për përdorim në bllok. Ajo bashkohet me vaksinën gjermano-amerikane BioNTech-Pfizer, vaksinën Britaniko-Suedeze AstraZeneca dhe vaksinën Moderna të bërë nga SHBA-ja.
“Autoritetet në të gjithë Bashkimin Evropian do të kenë një mundësi tjetër për të luftuar pandeminë dhe për të mbrojtur jetën dhe shëndetin e qytetarëve të tyre,” – tha Emer Cooke, Drejtori Ekzekutiv i EMA.
“Kjo është vaksina e parë që mund të përdoret si një dozë e vetme,” – shtoi ajo.
Ursula von der Leyen, presidentja e Komisionit Evropian, tha se vaksinat “më të sigurta dhe efektive” po dilnin në treg.
Vaksina J&J u zhvillua nga Janssen Pharmaceuticals, e cila është në pronësi të J&J dhe me qendër në Belgjikë. BE tashmë ka siguruar 400 milion doza të vaksinës, të cilat ishin nën rishikimin e EMA që nga dhjetori 2020.