Gazetari Blendi Fevziu shpreh ngushëllime për ndarjen nga jeta të Bashkim Finos, ndërsa publikon një foto të rrallë me të të shkrepur shumë vite më parë.
Nëpërmjet disa rreshtave në rrjetet sociale, Fevziu shpreh vlerësimin e tij dhe dhimbjen për ndarjen para kohe nga jeta të Finos, nga virusi i rrezikshëm Covid-19.
“Lamtumirë Bashkim Fino. Asnjë ditë në politike nuk jetove si militant; atëherë kur vendi kishte nevojë për ty dite të ishe më i ekuilibruar se të gjithë ne. Vetëm se u largove më herët se sa duhej… (Foto e Korrikut 1998 në TVSH)”, shkruajti gazetari dhe drejtuesi i “Opinion”, në një postim në rrjetet sociale.
Ish-kryeministri dhe deputeti i Partisë Socialiste, Bashkim Fino, u shua në moshën 59-vjeçare mëngjesin e kësaj të hëne. Ai ishte i infektuar me Covid-19 dhe humbi jetën për shkak të komplikacioneve nga virusi.