‘Gara jonë nuk është garë muskujsh, por garë idesh’ ky ka qenë mesazhi që ka përcjellë nga Elbasani kandidatja për deputete e ‘Nismës Thurje’ Rudina Hajdari, e cila ka ndeshur rastësisht në këtë fushatë kandidaten e PD-së Flutura Açkën.
Hajdari ka ndarë një foto në mediat sociale ku shfaqet së bashku me Açkën, dhe nënvizon se kultura e luftës pa skrupuj për pushtet dhe e muskujve që tmerrojnë qytetin e prishin harmoninë e qytetarëve duhet të marrë fund.
Po ashtu Hajdari në mbyllje të postimit nënvizon se nëse duam të shkojmë drejt perëndimit, duhet të sillemi si të tillë duke nisur nga ne politikanët.
‘Përgjatë fushatës derë më derë sot u hasa me kandidaten rivale, znj. Flutura Açka. U takuam, u përshëndetëm, biseduam dhe bëmë një foto bashkë. Gara jonë nuk është e nuk duhet të jetë garë muskujsh dhe lufte për jetë a vdekje por garë idesh e parimesh se si vendi ecën përpara. Kultura e luftës pa skrupuj për pushtet dhe e muskujve që tmerrojnë qytetin e prishin harmoninë e qytetarëve duhet të marrë fund. Nëse duam të shkojmë drejt perëndimit, duhet të sillemi si të tillë duke nisur nga ne politikanët.’- shkruan Hajdari.
