Nuk ka kaluar një ditë që emri i saj nuk është përmendur në titujt e mediave rozë, por jo më kot.
Nga lidhja e ndarja me Beartin, hapja e mbyllja e llogarisë në Instagram herë pas here e deri tek takimi i djeshëm misterioz me autoren e “Për’puthen” Olsa Muhameti, këto nuk kishin si ta mbanin Tea Trifonin larg vëmendjes së publikut.
Por ish-konkurrentja e programit të dashurisë ka “thyer” sot heshtjen për të gjithë. Përmes një bashkëbisedimi me ndjekësit në Instastory ajo i ka sqaruar “të gjitha”.
Si fillim, Tea ka treguar se nuk do të rikthehet në Për’puthen.
“Cikli im në Pp dhe gjithçka ka të bëjë me të po mbyllet,” shkruan ajo.
Ndërkohë, e pyetur se pse u nda nga Bearti, ajo tha: “Do te flas për këtë”, por se kur kjo mbetet për t’u parë.
Tea gjithashtu u shpreh se ndoshta të merrte gjithë atë opinion publik nuk ja vlejti, por sipas saj çdo gjë ndodh për një arsye.
Dyshimet për një rikthim të mundshëm të saj në Për’puthen i ngriti vetë ish-konkurrentja nga foto e publikuar dje me Olsën, ku shkruanin se të hënën do të kishte një risi në emision.