Diego Simeone e ka përjetuar ndoshta më shumë se sa duhet emocionin e ndeshjes së sotme ndaj Juventusit. Trajneri argjentinas i Atletikos në fakt është bërë protagonist i një gjesti tejet të shëmtuar gjatë sfidës së sotme me pamjet që janë shpërndarë me shpejtësi në rrjetet sociale.
Pas golit të avantazhit të shënuar nga Gimenez, Simeone e ka tepruar pak me festimet, duke u kthyer me një gjest ofendues nga tribuna pas tij. Një mënyrë ndoshta për të shfryrë nervat pas një sfide të tensionuar ku pa që ekipit të tij t’i anulohej edhe një gol me VAR, por gjithsesi e gabuar.
Simeone ka qenë një “anti-juventin” edhe gjatë karrierës si futbollist. Kjo, jo vetëm për eksperiencën e tij te Inter, por sidomos për atë te Lacio, ku fitoi titullin kampion duke ia rrëmbyer bardhezinjve në javën e fundit.