Forma fantastike po shfaq Myrto Uzuni në këtë sezon me fanellën e Ferencvaros në Hungari nuk ka mbetur pa u vëzhguar nga shumë klube më në zë të Evropës. Për sulmuesin e kombëtares shqiptare ka interes nga disa prej kampionateve më të mira europiane.
Në Greqi është skuadra e Olympiacos që kërkon shërbimet e sulmuesit shqiptar. Gazeta greke “Sport Time” thekson se klubi grek po ndjek me vëmendje situatën e lojtarit dhe në fund të sezonit pritet të bëjnë një ofertë në drejtim të Uzunit.
Skuadra e Ferencvaros e bleu kartonin e Uzunit për 1,8 milionë euro nga Lokomotiva e Zagrebit një vit më parë dhe për ta lënë të lirë synon të arkëtojë minimalisht 4 milionë euro, shifër e pranueshme kjo për arkat e Olympiacos