Presidenti i Çadit Idriss Deby, ka ndërruar jetë gjatë përleshjes me rebelët në veri të vendit, shkruan BBC.
Çadi është në prag të zgjedhjeve dhe të gjitha sondazhet parashikuan se ai do të Deby do të zgjidhej sërish president dhe do të siguronte 80% të votave. Aktualisht qeveria dhe parlamenti janë shpërndarë, ndërsa një këshill ushtarak do të qeverisë vendin për 18 muajt e ardhshëm.
Deby, 68-vjeç, është cilësuar si një nga udhëheqësit më të aftë të Afrikës. Ai erdhi në pushtet në vitin 1990, falë një kryengritje të armatosur.
“Presidenti dha frymën e fundit duke mbrojtur kombin dhe të drejtën e sovranit”, ka deklaruar një nga gjeneralët e ushtrisë.
Sipas BBC, javën e kaluar ai kishte shkuar në front të luftës në veri të vendit, për të parë nga afër përleshjet që ushtria e tij bën me rebelët, të cilët quhen ndryshe edhe si “Fronti për Ndryshim dhe Pajtim në Çad”.