Kryeministri Edi Rama i ka hedhur poshtë akuzat për shit-blerje votash.
“Këto janë broçkulla. Partitë që kanë humbur dhe LSI që flasin përçart. Nëse do të shohim sondazhet që janë bërë publike. Ka një përputhshmëri të plotë me ato tonat. Nuk ndodhi te exit pollet. Ato gabojnë rëndë ndonjëherë. Unë mendoj që kush të akuzon për diçka që nuk e keni bërë ose e ka bërë vetë ose do ta bëjë vetë”, tha Rama.
Pas insistimit të moderatorit Blendi Fevziu se ka vjedhur vota, kryeministri Rama i kërkoi të nxjerrë sondazhin, që tregoi aq saktë për fitoren e Partisë Socialiste. Fevziu tha se nuk i ka në xhep duke e pyetur sërish për blerje votash, siç pretendon opozita.
Rama si asnjëherë më parë, i bëri thirrje drejtorit të Tv Klan, Aleksandër Frangaj që të nxjerrë sondazhin.
Debati:
Edi Rama: Nëse votat e pavlefshme nuk do të ishte gabuar kaq shumë, ne do të kishim sot 77 mandate. Unë jam këtu si rezultat i zërit të sovranit ti më pyet a kam vjedhur vota
Blendi Fevziu: Po të pyes ore sepse ka prentendime
Edi Rama: Po jo pra, nxirr sondazhin e ka thënë vetë pronari jot në studio që keni bërë sondazhe që ka nxjerrë këtë rezultat. Aleksandër ku je? Ku je Aleksandër nxirr sondazhin? Ku je?
Blendi Fevziu: S’ka nevojë ta kthesh në spektakël këtë
Edi Rama: Ku je Aleksandër ku je? Nxirr sondazhin. Vetë e tha, ose të dalë të thitë kam gënjyer.
vijon…