Pas zgjedhjeve të 25 prillit, kreu i PDK-së, Nard Ndoka ka shpërthyer ndaj kreut të PD-së, Lulzim Bashës me të cilin kishte bërë aleancë.
Ndoka ka bërë një akuzë të fortë duke thënë se votat e tij personale janë vjedhur nga PD-ja.
“Jam masakruar me votat e mia personale, votat e mia janë vjedhur nga PD-ja”, tha Ndoka.
Ai ka pasur kritika të ashpra për Bashën, duke thënë se nuk u bë asnjëherë lider i PD-së, edhe pse vetë aleatët u sakrifikuan që Basha të rritje.
“Basha duhet të heqë dorë nga interesat e ngushta të tij, të heqë dorë nga komisionerët partiak. PD është një parti e madhe e hapur, mund të operohet dhe me lidershipi, Basha tentoi që të dilte ai si lider i kësaj partie dhe nuk ia arriti. Ne kemi bërë sakrificë që dhe Basha të rritej dhe djegia e mandateve”, tha Ndoka për Report Tv.
Nisur nga kjo, ai thotë se shtator-tetori do jetë koha kur do të vendoset për lidershipin brenda PD-së, por edhe partive të vogla aleate.
“Në shtator -tetor do të ketë një vendimarrje përfundimtare për vazhdimësinë e tij, apo për kryetarët e partive të tjera”, tha Ndoka.Ai listoi edhe disa nga arsyet që sipas tij sollën në humbjen e Partisë Demokratike në zgjedhjet e 25 prillit.
“Provat për shitjen e votave janë të dokumentuara duhet kohë, ka pasur edhe komisionerë të shitur dhe nga ana e opozitës çka ka ndikuar në rezultat dhe unë kam vërejtje në këtë drejtim, është një domosdoshmëri për të nxjerrë të gjithë elementët e manipulimit. Një nga gafat e opozitës që nuk mbajti një qëndrim të fortë për manipulimin e rezultatit. Gabim fatal një marrëveshje transparente me aleatët, nëse opozita do dilte me një listë, bashkë me LSI, Basha sot do ishte kryeministër. Basha ndërtoi një fushatë individuale, i përjashtoi aleatët dhe i luftojë, nuk ka qenë e dukshme, por ne e kemi ndjerë këtë. Jo mbështetje, se nuk kemi pritur mbështetje nga Basha, por nuk krijoi frymën, Basha e kishte këtë epërsi, ndryshe nga Basha. Nuk fliste për ekip, por “unë”, e fokusoi fushatën te vetja e tij, dhe ia hoqi vetes mundësinë që të krijonte një frymë dhe të krijonte një ekip përballë Ramës. Pamë një përballje me 2 koka, me Ramën i çakorduar, por i qartë, e dinte masën që kërkonte ishte i qartë për 74 mandate, ishte transparentë. Nuk pati kontakte, nuk përcolli informacione me to, madje i shmangu aleatët dhe i dënoi”,- tha Ndoka.
Më tej, ai u shpreh se nuk ka pasur dijeni se Partia Demokratike kishte angazhuar një grup të armatosur për fushatën zgjedhore.
“Në kushte e një vendi normal me zgjedhje normale, Basha duhej të largohej, por zgjedhjet janë vjedhur. Ne shkuam si cjapi te kasapi, Basha nuk mendoi si një kryeministër hajdut. Basha mori masat që mund të arrë një parti politike, unë nuk kam qenë dakord me ato grupe që u ngritën për mbrojtjen e votës. Nuk kam pasur një informacion i tillë, PD funksionoi si një institucion i vetëm. Unë kam dhënë se në Shkodër votat janë blerë nga Tom Doshi dhe Basha nuk mori masat”,- tha Ndoka.