Ish presidenti Bujar Nishani ka dalë kundër deklaratës së Lulzim Bashës për mosnjohjen e zgjedhjeve parlamentare të 25 prillit.
Në një intervistë për emisionin “Përballë” të Lutfi Dervishit, Nishani deklaroi se Basha me këtë vendim po fyen inteligjencën e atyre që i besuan votën, ndërsa shtoi se janë të shumtë demokratët që janë dëmtuar dhe nuk po përfaqësohen.
“Kjo është një tentativë që thyen inteligjencën e shqiptarëve dhe dëmton bazën e PD. Njerëz janë pushuar nga puna dhe janë pa bukë sepse janë deklaruar se janë të djathtë, njerëz që nuk marrin asnjë shërbim në sportetet e shtetit sepse janë pozuar që janë kundërshtar.
Këta njerëz kanë kontribuar me mish e me shpirt dhe këta njerëz po mashtrohen duke u thënë që nuk i njohim zgjedhjet, por do hyjmë në Parlament. Nëse nuk i njeh zgjedhjet bëj atë që ke bërë para dy vitesh”, tha Nishani.