Klevis Balliu ka deklaruar mbrëmjen e sotme se është habitur që pas thirrjes së Presidentit Ilir Meta, shqiptarët ende nuk kanë marrë sfurqet për mbrojtjen e votës. I ftuar në “Opinion”, Balliu, i pyetur për shkarkimin e Metës pasi sipas maxhorancës ‘ka braktisur detyrën’, Balliu u ndal tek sfurqet.
Më pas, Plarent Ndreca ndërhyri, ndërsa Balliu i tha të mos e bënte atë gjë, pasi nuk donte debat, por dontë të fliste vetëm ai.
Pjesë nga biseda:
Klevis Balliu: A janë vjedhur vota këtu? Janë vjedhur dhe s’do presim edhe një vit tjetër që të dalë BILD-i këtu. Për çfarë akuzohet Presidenti? Që thotë të marrin sfurqet e tu priten duart? Unë jam i shqetësuar pse nuk po shoh sfurqet…nuk jam i shqetësuar për atë
Blendi Fevziu: Nuk e diskutojmë si opinion tëndin
Klevis Balliu: Këtu është e çuditshme, sepse vjedh votat Rama thonë shkarkojmë Presidentin. Ai ka reaguar për ngjarjen e Kavajës, ç’a ka këtu për të mos u kuptuar, ja ku është kryebashkiaku me atentatorin, si të mos reagojë
Plarent Ndreca: Por lëre more se e ka prokuroria në dorë
Klevis Balliu: Një minutë të flas unë, a fole tre orë ti aty, s’thashë gjë unë
Plarent Ndreca: Por mirë mo debat po bëjmë
Klevis Balliu: Po s’dua debat unë, dua të flas vetë
Blendi Fevziu: Jo, jo bëni një çikë debat bëni.