Ish-kryeministri Sali Berisha ka denoncuar persona që sipas tij janë pjesë e grupeve kriminale dhe kanë paguar për fushatën e Partisë Socialiste në këmbim të lejes për të kultivuar lëndë narkotike.
Në një status në profilin e tij në Facebook, Berisha shkruan se në qytetin e Lezhës, Samuel Ndoka, djali i Sandër Ndokës dhe njëkohësisht nipi i ish-deputetit Arben Ndoka bashkë me një tjetër person që quhet Eni Vokrri, i ardhur nga Belgjika, kanë qenë sponsorët e fushatës së PS-së.
Berisha shton se makina e Vokrrit ka marrë kuti votimi nga Shëngjini dhe i ka dërguar në Lezhë, ndërsa në këmbim i është premtuar që të mbjellë kanabis.
Denoncimi i plotë:
I premtojnë Kashnjeti për drogë. Vjen nga Belgjika dhe transporton kutitë e votimit. sb. Ja grupi i strukturuar i votave për qytetin e Lezhës, Samuel Ndoka djali i Sandër Ndokës dhe nipi i Arbenit ish -deputetit, ndërsa ky tjetri quhet Eni Vokrri i ardhur nga Belgjika, sponsori kryesor nga ana financiare dhe presion ndaj njerëzve për kandidatin nr 2 në listën e PS Eduart Ndrecës. Makina e Eni Vokrrit ka marr kutitë e votimit nga Shëngjini dhe i ka dërguar në Lezhë sepse këtë të fundit e ka sjell ish-deputeti Arben Ndoka nga Belgjika për me punuar për partinë Socialiste sepse i kanë premtuar me mbjellë kashnjetin me hashash për hesap e vet.