Disa javë më parë Shkëndija e Tetovës ishte skuadra që u shpall kampion në Maqedoninë e Veriut. Skuadra tetovare është një histori suksesi në gjithë trojet shqiptare, ndërkohë në Malin e Zi duket se një tjetër skuadër shqiptare mund të lërë gjurmë.
Në qytetin e Tuzit është skuadra e Decic që po bën krenarë shqiptarët dhe arritja e fundit është finalja e Kupës së Malit të Zi ku do të përballet me kampionët në fuqi Buduçnost. Shqiptarët e Tuzit, arritën të triumfonin ditën e sotme, në ndeshjen e dytë gjysmëfinale ndaj Iskras me rezultatin 1-0, teksa sfida e parë përfundoi me rezultatin 0-0.
Pas këtij kualifikimi historik, një festë e jashtëzakonshme ka shpërthyer ne stadiumin e qytetit të Tuzit, ku tifozët shqiptarë krijuan një atmosferë elektrizuese. 95 vjet si klub, kjo është hera e parë që Deçiç arrin në finale, falë edhe investimeve nga presidenti i klubit Pal Dreshaj me origjinë shqiptare.