Nën drejtimin e trajnerëve Zef Gjoni, Sead Bushati dhe Lazarin Vila, Shqipëria ka mundur që të sigurojë 5 medalje, 2 ari dhe 3 argjendi.
Në përzgjedhjen e saj këtë herë vendi ynë kishte boksierët më me potencial me Krenar Zenelin 60 kg, Rexhildo Zenelin 64 kg, Denis Nurjan 69 kg, Alban Beqirin 75 kg, Arjon Kajoshin 81 kg dhe Indrit Laçin 91 kg. Ishte një aktivitet me një rivalitet të madh dhe me sportistë të trajnuar mirë.
“Katër dite me radhë u zhvilluan ndeshjet ku secili nga sportistët tanë dha performancë të lartë duke zhvilluar ndeshjet dhe duke fituar me shtetet më të forta në Ballkan! Ne punën tonë e bëmë me sukses, këta djem flamurin Shqiptar e ngritën lart, tani është radha e shtetit ta vlerësojë dhe të investojë tek sportet individuale, sidomos tek boksi sepse nderohet….”, thekson trajneri Sead Bushati.