Pandemia në vendin tonë fatmirësisht ka pësue një rënie të numrit të perosnave të infektuar dhe të atyre që kanë humbur jetën. Shefja e Epidemiologjisë në Institutin e Shëndetit Publik, Eugena Tomini, tregon si po shqyrtohet mundësia për lëvizjen e qytetarëve pa maska.
“Heqja e maskës po analizohet në dy kategori, në ambientet e mbyllura dhe të jashtme. Por kjo kërkon një sërë indikatorësh. Përveç të dhënave klinike, infektimet apo të shtruarit në spitale, edhe imunizimi i popullsisë do të ndikojë, por që do të ketë sërish kritere. Do të shohim në varësi të imunizimit nga vaksina dhe nga vetë infektimet”, shpjegon Tomini në “Breaking”, në Top News.