Autoritetet e Kosovës thanë dje se vlera e kokainës e kapur në Kosovë nëse do të dilte në treg do të ishte 20 mln euro, por gazetari investigativ Artan Hoxha mendon ndryshe. “Me pastërtinë që kishte kokaina vlera e saj në rrugë shkon në 120 milionë euro”.
Për gazetarin e njohur, kokaina kishte destinacion Gjermaninë. “Kjo sasi ishte e destinuar për Gjermaninë, që është një treg i madh. Grupet shqiptare të Shqipërisë dhe Kosovës që merren me trafik kanë një pikë të përbashkët, territorin e Gjermanisë. Ne kemi kapur sot transportuesit, jo financuesit, jemi si në rastin e Arbër Çekajt. Të hetosh këto organizata kërkon një qasje tjetër, jo muskuj, por mend. Duhet të mundohesh të jesh një hap përpara krimit të organizuar” tha ai për abc news.