Kukësi ka në gjirin e vet shumë lojtarë cilësorë, e madje me klas duke bërë diferencë edhe me skuadrat e tjera rivale. Një ndër lojtarët që ka bërë jo pak përshtypje, për teknikën, por edhe njohës mjaft i mirë i golit është edhe Patrik Frajdej Eze.
Erdhi në verën e shkuar te kuksianët, por që duket se për të interesimi nuk ka munguar…
Eze është një futbollist që erdhi në Shqipëri në saj të një karriere të pasur, madje edhe në Turqi në klube të njohura, por që duket se tashmë ai ka arritur që të sigurojë një kontratë faraonike, madje e ardhmja e tij duket se është në Katar.
1.2 milionë euro për dy sezone, kaq është shifra që “Vipsport.al” ka mësuar nga burime shumë të sigurta, ndërsa sulmuesi pritet që me mbarimin e garës dhe nisjen e merkatos do të largohet për të vijuar karrierën në një kampionat, ku vitet e fundit kanë luajtur edhe yje të futbollit botëroror.