Një darkë feste për titullin kampion me një tifoz VIP si prezantuesi italian Paolo Bonolis, u ka kushtuar shtrenjtë Antonio Kontes dhe Havier Zanetit. Të tre janë ndalur nga forcat e rendit mbrëmë, pasi kanë thyer orën policore pas nj daske në restorantin në pronësi të argjentinasit në Milano.
Një patrullë policore ka identifikuar dy pjesëtarët e Inteirt dhe prezantuesin duke dal nga restoranti “Botinero” në Milano, i cili është në pronësi të Zanetit dhe të tre janë gjobitur, edhe pse kishin thyer orën policore me vetëm 15 minuta dhe kishin “arsye të fortë” për ta bërë një gjë të tillë. Interi festoi dje titullin kampion në Serinë A gjatë pasdites dhe Bonolis kishte qenë i ftuar në këtë darkë mes miqsh në lokal, meqë është një tifoz i zjarrtë zikaltër.
Fakti më interesant i kësaj ngjarje është se të tre ishin denoncuar nga klientë të lokalit nëpërmjet një aplikacioni që përdoret në Itali për të kërkuar ndihmën e forcave të rendit. Pasi lajmi qarkulloi në rrjetet sociale, nisi edhe kërkimi i këtij klienti, i cili mendohet se ka qenë një tifoz i një prej skuadrave rivale të Interit.