Këngëtarja Kleoniki Delijorgji iu bashkua grupit Big Artist mbrëmjen e djeshme në festivalin “Kënga Magjike” në Tv Klan. Para e se ajo të performonte u shpreh: “I kam thënë vetes, kjo nuk do jetë se sa vlen ti, kjo është përtej teje, ti po jep një mesazh, edhe thjesht fokusohu tek mesazhi që ti jep, edhe kaq”.
Kënga e Kleonikit përcjell një mesazh të fortë për pushtetin e gruas dhe ky mesazh bëri që të votohej nga juria, pasi gjatë performancës ajo pati disa probleme në interpretim. Kozeta Kurti dhe Markelian Kapedani shtypën butonin e kuq dhe në fund mbeti Arben Skënderi, i cili do jepte vendimin përfundimtar nëse ajo do kalonte në kategorinë Big apo jo.
Pasi u mendua disa sekonda, Arbeni u shpreh se vetëm për hir të mesazhit që ajo përcjell me këtë këngë, por e shtypte butonin jeshil. Nëse nuk do ishte për mesazhin e këngës, ai buton nuk do shtypej.
Arben Skënderaj: Po të mos kishe patur një këngë kaq kuptimplotë, kaq të angazhuar, një mesazh kaq të fortë në ditët ku jetojmë ne, një mesazh për të gjithë ne që po dëgjojmë këtu dhe që po na dëgjojnë nga ekrani, po të mos kishe një gjë kaq të fortë për të përçuar, unë nuk do ta kisha bërë dot këtë që do bëj tani.
Në këto momente Arbeni shtyp butonin jeshil.
Kleoniki Delijorgji: Po të mos kisha pasur këtë mesazh kaq të fortë dhe një performancë të tillë, edhe unë nuk do performoja kështu nga ana e vokalit. Nuk dua të justifikohem, por vërtet është një ngarkesë e madhe emocionale për mua, të mbaj mbi kurriz një kolektiv shumë të madh në një vend të tillë, faleminderit.