Ministri i Mbrojtjes, Niko Peleshi nëpërmjet një postimi në rrjetet sociale ka thënë se një ndër fokuset kryesore të punës së tij tashmë do të jetë fuqizimi dhe modernizimi i Akademisë së Forcave të Armatosura.
Viti i ri akademik sipas Peleshit do të vijë me shumë risi.
“Fuqizimi dhe modernizimi i Akademisë së Forcave të Armatosura sipas modeleve më të mira amerikane dhe evropiane, me fokus teknologjinë dhe cyber security është prioriteti më i rëndësishëm i Ministrisë së Mbrojtjes. Viti i ri akademik do të fillojë me disa bashkëpunime të rëndësishme të cilat do u mundësojnë studentëve të rinj pajisjen me dopio diplomë, pra bashkë me diplomimin ushtarak ata do të kenë edhe një formim në një degë tjetër civile. Entuziast nga bashkëbisedimi që pata sot me brezin e parë të bachelorit pas rihapjes së kësaj akademie.”, shkruan ministri Peleshi.