Këngëtarja e famshme shqiptare, Bebe Rexha, do të jetë pjesë e serialit të animuar “We The People”, i cili do të jepet në Netflix.
Mediat amerikanë shkruajnë se krijuesi i “Doc McStuffins”, Chris Nee, është ribashkuar me ish-presidentin e SHBA-ve, Barack Obama dhe “Higher Ground Productions” të Michelle Obamas për serinë e animuar të Netflix, “We the People”.
Bëhet e ditur se seriali prej 10 episodash i Nee, i prodhuar nga Kenya Barris, ndërthur muzikë dhe animacion për të edukuar një brez të të rinjve amerikanë për fuqinë e njerëzve.
Janë një seri e videove muzikore të animuara që mbulojnë një sërë mësimesh themelore të qytetarisë në Shtetet e Bashkuara të Amerikës në mënyra jo aq themelore.
“We the People”, i cili do të publikohet më 4 korrik në Netflix, drejtohet nga Peter Ramsey, Trisha Gum, Victoria Vincent, Benjy Brooke, Mabel Ye, Tim Rauch, Jorge R. Gutierrez, Daron Nefcy, Everett Downing dhe Kendra Ryan./shqip/