Dinamo hedh sytë nga Kosova, pasi po tenton emra cilësore, ndërsa njëkohësisht drejtuesit po rinovojnë me lojtarët që mbyllën sezonin e shkuar.
Përpos piketimit të emrave të rinj, paralelisht te dinamovitët po vijon edhe procesi i rinovimit të kontratave me lojtarë të sezonit të shkuar, që do t’i bashkohen grupit të atyre që kanë ende kontratë.
Lojtarët që pritet të rinovojnë janë: Edvan Bakaj, Emiljano Hidri, Miklovan Pere, Kevi Berberi, Artion Alillari, Mustafa Xhixhiua dhe Niko Paterni. Ndërsa Klaudio Hyseni, Uelber Alemedia dhe Digo da Silva janë akoma nën kontratë.
Braziliani Da Silva ka kontratë deri më 30 qershor 2023, por para disa ditësh ai i është nënshtruar një ndërhyrjeje kirurgjikale, pasi ka hequr apendicitin. Dejvi Bilali, Danielo Grieco dhe Esmerald Aluku shihen në dyshim për vijimin e tyre me Dinamon.