Kolegji Zgjedhor ka rrëzuar kërkesën e PD për përjashtimin e 7 anëtarëve të trupës gjykuese. Për këtë kërkesë, PD i referohej rrëzimit të 3 padive te para për përsëritjen e zgjedhjeve ne Gjirokastër, Vlorë dhe Berat.
“Ditën e djeshme është paraqitur një kërkesë nga ana e PD për përjashtimin e 7 gjyqtarëve të kolegjit zgjedhor. Ne e kemi marrë me shqyrtim sot në orën 08:30 dhe në përfundim i kemi gjetur të pabazuara pretendimet e PD. Prevalon vazhdimësia institucionale e Kolegjit Zgjedhor. Neni 151 i Kodit Zgjedhor i ka përcaktuar kolegjit të drejtën për të vendosur lidhur me kërkesat e tilla”, tha gjyqtarja në mbledhje.
Ndërkohë ka vijuar shqyrtimi i PD dhe VV për qarkun e Tiranës, ndërsa LSI si palë e interesuar nuk është paraqitur në seancë.
Përfaqësuesi ligjor i PD tha: “Nuk ka pasoja mungesa e përfaqësuesit të LSI përderisa është vetëm palë e interesuar, jo palë paditëse.”