Masimiliano Alegri kërkon që Juventusi i sezonit të ardhshëm të ketë një futbollist në mesfushë që mund të bëjë “digën”, për të bllokuar sulmet kundërshtare, por edhe një që di të ndërtojë lojën. Praktikisht, livornezi është vënë në një ndjekje të një tipi lojtari si Kasemiro i Real Madrid.
Ëndrra e bardhezinjve është Pol Pogba, megjithatë pavarësisht nostalgjisë duket e vështirë që italianët të shpenzojnë shuma të mëdha në merkato. Pogba mund të ishte i mundur vetëm nëse bëhej fjalë për një shkëmbim mes Pogba dhe Ronaldos, por edhe kjo alternativë nuk kuotohet shumë. Kështu, më e mundshmja është transferimi i Manuel Lokatelit.
Mesfushori italian ka bindur me Sasuolon dhe Juventus është i prirur t’i besojë teksa edhe vetë lojtari e pëlqen kalimin në Torino. Në ditët në vijim pritet të ketë edhe diçka më konkrete për Lokatelin për të gjetur dakordësinë financiare me Sasuolo.