Një 22-vjeçare me inicialet A.B, është arrestuar pasi përkrahu Endri Zajën në krimet e tij. BalkanWeb mëson se e reja është e dashura e Zajës.
Ky i fundit ka kryer dy vjedhje në Durrës kurse ditët e fundit përplasi dhe një të moshuar italiane me automjet.
Ai u arrestua sot teksa ishte duke bërë plazh ndërkohë që Policia e kërkonte.
NJOFTIMI NGA POLICIA
Durrës
Në vijim të informacionit të dhënë për arrestimin e shtetasit E. Z., 22 vjeç, ju informojmë se:
Specialistët për Hetimin e Krimeve në Komisaristin e Policisë Durrës, në vijim të hetimeve të kryera arrestuan në flagrancë shtetasen A.B., 22 vjeçe, banuese në Durrës, për veprën penale “Përkrahja e autorit të krimit”.
Materialet i kaluan Prokurorisë së Rrethit Gjyqësor Durrës, për veprime të mëtejshme.