Spitali “Shefqet Ndroqi” iu rikthye normaliteti pas më shumë se një viti si spital COVID2.
Gjatë një vizite me ministren e Shëndetësisë Ogerta Manastirliu në ambientet e këtij spitali, kryeministri Edi Rama tha se tashmë do të zgjerohen shërbimet duke përmenduar investimin në shërbimin e ri të kardiokirurgjisë.
“Pas përballimit me sukses të situatës së pandemisë, Spitali Universitar “Shefqet Ndroqi” do të zgjerojë shërbimet, me super investimin në Shërbimin e Ri të Kardiokirurgjisë, teksa ka përfunduar edhe investimi në laboratorin ultramodern, pjesë e rrjetit të laboratorëve publikë, me standarde ndërkombëtare”, shkruan Rama.