Një 20-vjeçare shqiptare është kthyer në shtëpinë e saj në Gjermani, katër ditë pasi rezultonte e zhdukur.
Mediat gjermane, të cilat dhanë alarmin për zhdukjen e shqiptare, kanë bërë me dije se e reja është kthyer shëndoshë e mirë në shtëpinë e saj, por që hetimet nuk do të ndalojnë.
Policia do të vazhdojë të hetojë për të zbuluar se ku ka qenë vajza gjatë kohës që u zhduk, pasi ka dyshime të forta se mund të jetë përfshirë në ndonjë aktivitet të rrezikshëm, pa dëshirën e saj.
Laura N. u pa për herë të fundit para zhdukjes së saj në stacionin e trenit në Offenburg. Atje ajo takoi një grup të panjohurish dhe u kërkoi ndihmë atyre për të telefonuar familjen e saj sepse nuk kishte bateri në celularin e saj, por që nga ai moment s’u më sua më gjë për të.
Njerëzit që e kishin parë, janë shprehur për autoritetet se vajza nuk kishte këpucë dhe dukej e frikësuar. Katër ditë më vonë, Laura ka shkuar me këmbët e saj në shtëpi. Se ku qëndroi Laura ditët pas zhdukjes së saj, ende nuk dihet.