Christos Pappas, numri dy në udhëheqjen e organizatës kriminale neonaziste ‘Agimi i Artë’, është arrestuar. Në arrati që nga dënimi i tij tetorin e kaluar, Pappas 59-vjeç u klap në zonën e quajtur Zografou të Athinës. Pappas njihet si një ndër armiqtë e mëdhenj të shqiptarëve duke bërë deklarata të forta kundër Shqipërisë në mediat greke por edhe shqiptare
Sipas transmetuesit publik ERT, Pappas dyshohet se u arrestua nga policia anti-terroriste në shtëpinë e një personi që e kishte strehuar atë. Ai është transferuar te oficerët e njësisë anti-terrorizëm në Drejtorinë e Përgjithshme të Policisë së Atikës.
Në gjyqin e Agimit të Artë, Pappas u shpall fajtor për drejtimin e një organizate kriminale dhe iu dha një dënim me 13 vjet burg. Pappas nuk është parë që nga 1 tetori, kur ai bëri check-in me stacionin e tij lokal të policisë, siç ishte i detyruar të bënte.