Një 23 vjeçar është nisur me urgjencë nga gadishulli i Karaburunit për në spitalin e Vlorës pasi është pickuar nga një akrep duke bërë plazh në gjirin e Shën Vasilit.
Enea Dervishaj ishte së bashku me familjen në plazh kur është pickuar në krah nga akrepi dhe ka filluar dridhjet e trupit gati duke humbur ndjenjat.
Menjëherë është njoftuar policia kufitare e cila ka shkuar me një mjet te saj gomone.
Më pas ka shoqëruar të riun në ambientet e spitalit të Vlorës.
Fatmirësisht i riu është jashtë rrezikut për jetën.