Berhan Bajrakurti, polici i Gruemirës i cili u përfshi në një video skandal që doli në media, dhe që u akuzua se kishte ngacmuar një minorene ka folur për median.
I ftuar në emisionin “Me zemër të Hapur” në News 24, bashkë me vëllain e tij, ai i ka kërkuar falje familjes së tij për tronditjen e thellë, kolegëve të policisë në Malësinë e Madhe. “Mua më vranë për së gjalli”, tha ai duke hedhur poshtë akuzat e duke thënë se nëse do e kishte bërë atë krim le të dënohej 100 vjet.
Vëllai i tij tjha se vajza e Berhanit, që kur ndodhi ngjarja nuk ka dalë nga shtëpia dhe nuk ka shkuar as në shkollë duke shpjeguar dhe tronditjen e thellë që ka pësuar familja.
Polici i Gruemirës dhe i vëllai thanë se video ishte vjedhur nga celulari i Berhanit, ndërsa nuk e dinin se kush qëndron pas kësaj.
Ai tha se nuk ka marrë pezullim nga detyra si polic, teksa ka tashmë masën e detyrimit për paraqitje. Nëse do të rikthehej në detyrë, ai thotë se do ia lërë në dorë drejtësisë.
Si u njoftuat për ekzistencën e videos?
Në momentin që kam hyrë në zyrën e drejtorit të policisë së Shkodrës. Vetëm kaq i kam thënë po qe se është kjo e vërtetë unë 100 vite burg ia kam dhënë dënimin vetes.
Akuzohesha se kisha ngacmuar një minorene dhe bashkë me nënën e saj i kisha marrë në makinë. Se ajo kishte dashur të denonconte dhe nuk e kisha lejuar. Jam shokuar totalisht.
I hidhni poshtë?
Nuk bëhet fjalë. Nëse këto janë të vërteta unë e dua dënimin me 100 vite burg. Vetëm të dalë nëna e saj e baba e të thonë që unë e kam ngacmuar, unë ia kam dhënë dënimin vetes.
Si ra në dorën e medias?
Nuk e di.
Është përfolur edhe për mënyrën se si kolegët ju kanë shoqëruar?
Ishte shumë shokuese. Nuk iu vë faj. Ishte e jashtëzakonshme.
Të kanë besuar?
Nuk më ka besuar askush. As vëllai që kam këtu. Kam telefonuar gruan dhe i kam thënë që mbaj fëmijët se unë do shkoj të përballem. Ka ndodhur diçka e rëndë dhe unë do përballem.
Je babai i tre vajzave dhe një djali. Sa të ka mbështetur e besuar familja?
Dasht’ Zoti mbështetja e familjes sime që jam këtu. Gruaja më ka ardhur dy herë në Shkodër dhe një herë në Lezhë. Ajo e ka mbajtur barrën kryesore. E falënderoj nga zemra.