Ish-konkurretja e përputhen, Tea Trifoni, pas ndarjes me Beartin duket se ka gjetur një dashuri të re.
Gjatë një interviste televizive, Tea ka bërë të ditur se është në një lidhje dashurie, duke mos zbuluar as identitetin dhe as imazhin e djalit që i ka rrëmbyer zemrën.
Së fundi e ftuar në rubrikën “N’fermë” në “E Diell”, Tea ka treguar se me partnerin e saj janë njohur rastësisht.
Ajo zbuloi se ai është një njeri i panjohur për publikun dhe se i kishte bërë më shumë përshtypje pasi si fillim e kishte komplimentuar për karakterin dhe jo për sytë.
“Është dikush që unë jam duke e njohur për momentin. Është figurë jo e njohur, njeri i thjeshtë, nga zona ime, aty afër, nga Fieri. E kam njohur me Fatjonin, rastësisht, kur nuk e pret të vjen. Ishim duke festuar për qejfin tonë dhe na doli ky bandilli. Ishte shumë i ëmbël”, u shpreh Tea.
Gjithashtu zbuloi se kanë shkëmbyer edhe puthjen e parë.