Pak javë më parë, ish-konkurrentja e “Përputhen”, Jasmin Kadriu zbuloi se ishte zhgënjyer nga Atdheu, por pa e treguar arsyen.
Së fundmi, Atdheu ka treguar se çfarë ka ndodhur mes tyre, në një intervistë për emisionin “Në Pranga”. Sipas Jasminës, ai është bërë shkak për ndarjen e saj nga Andi.
“Sa herë që ka pasur konflikte me Jasminën, nja 2-3 herë i kam bashkuar unë. Sidomos Jasminën e kam përkrahur shumë, me aq mundësi sa kam pasur, për çdo gjë më ka pasur mbrapa. Doli dhe ajo në një emision tha më ka zhgënjyer Atdheu. Imagjino e kam zhgënjyer unë. Po kur zbulova arsyen, ma thanë të tjerët, jo ajo, ishte fjala që gjasme unë e kam ndarë Jasminën e Andin. Unë nuk i kam ndarë, Andi është gjallë edhe mundet të flasë dhe i vërtetohet e kundërta Jasminës. Këto u ndanë mes vete dhe unë prapë i kam mbajtur të dy afër, se s’kisha si t’i largoja pse janë ndarë”, tregoi Atdheu.