Komisioni i Pavarur i Kualifikimit mori sot vendimin për shkarkimin nga detyra të prokurorit të Shkodrës, Arben Smaçi. Ky i fundit nuk ishte i pranishëm gjatë shpalljes së vendimit.
Hetimi administrativ për prokurorin Smaçi u përfundua vetëm për kriterin e pasurisë. Gjatë seancës dëgjimore të enjten më 15 korrik, Komisioni evidentoi se prokurori Arben Smaçi kishte kryer deklarim të pasaktë dhe të rremë për çmimin e një apartamenti, ndërsa rezultoi me mungesa financiare të mëdha për justifikimin e pasurisë.
Trupi gjykues që kreu procesin e rivlerësimit për prokurorin Smaçi kryesohej nga Valbona Sanxhaktari, me relatore Firdes Shulin dhe anëtar Olsi Komicin.
Ad by
Smaçi e ka filluar karrierën në vitin 2010 në prokurorinë e Durrësit dhe në vitin 2011 është emëruar në Prokurorinë e Rrethit Gjyqësor Shkodër.