Nga Pusteci, ku ishte i pranishëm në organizimin e “Mik Festival”, ministri i Turizmit, Blendi Klosi, foli për rëndësinë që ka turizmi shqiptar.
Ai tha se aktualisht në vend, kanë ardhur më shumë turistë se në vitin 2019-ën, që konsiderohet dhe si viti i artë.
Klosi nënvizoi se krahas detit e plazheve shqiptare, duhet promovuar dhe pjesët e tjera të vendit, në mënyrë që vizitorëve t’i ofrohet një paketë e plotë turistike.
“Është i mrekullueshëm organizmi i Mik Festival në këtë vend magjik, që në fakt është në përputhje me politikat e Ministrisë së Turizmit, që një zonë ekstremisht e mbrojtur si e gjithë zona e Prespës të afrohet më shumë për turizmin, të afrohet për më shumë aktivitete artistike dhe promovimi që i bëhet nga të tilla koncerte është një gjë e mrekullueshme. Në kuadër të turizmit për vitin 2021 Shqipëria po përjeton një mani të madhe për t’u vizituar, madje kemi më shumë turistë se në 2019-ën, që ka qenë viti më i artë dhe kjo falë promovimit të madh të Shqipërisë.
Na duhet shumë më tepër bukuritë shqiptare, na dihet të promovojmë përveç detit dhe të kemi një ofertë të plotë turistike. Kemi numër të konsiderueshëm turistësh dhe vizitorësh të huaj. Në 15 ditët e para të korrikut kemi pasur më shumë turistë se e njëjta periudhë e 2019 dhe deri 5 herë më tepër turistë se 2020, por kjo nuk mjafton.