Kanye West u vendos në qendër të vëmendjes javën e kaluar kur prezantoi disa këngë nga albumi i tij i ri “Donda”, që ende nuk është publikuar. Prezantimi u bë në stadiumin Mercedes-Benz të Atlantës, ku u mblodhën mijëra njerëz për ta mbështetur, ndonëse lajmërimi u dha vetëm një ditë para. Më pas në media filluan të qarkullonin disa foto që tregonin se reperi po jeton përkohësisht në stadium në mënyrë që të përfundojë sa më shpejt “Donda”.
E së fundmi, 44-vjeçari ka publikuar një foto të dhomës ku ai po qëndron, që qenka shumë minimaliste për një artist të tillë dhe me të ardhura aq të mëdha. Dhoma nuk ka dritare dhe është e pajisur me një gardërobë dhe rafte, një televizor dhe një shtrat të vetëm. Reperi nuk ka shkruar asgjë krah fotos e cila flet vetë. Fansat tashmë po presin me padurim “Donda”.