Close Menu
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Facebook Instagram
  • Kontakt
  • Politikat e privatesise
Facebook Instagram
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Abonohu
Tirana News AlbaniaTirana News Albania
Kryesore

“Masakra e Visokës”, kush është i vetmi i mbijetuar që kthehet në radhët e Policisë

13:19 / March 1, 20194 Mins Read
Facebook LinkedIn Email WhatsApp
Nebi Hyskaj
Share
Facebook LinkedIn Email WhatsApp

Nebi Hyskaj ishte larguar nga radhët e policisë 10 vite më parë, edhe pse është një efektiv policie që ka derdhur gjak në krye të detyrës. Ai është vlerësuar me Medaljen e Artë të Shqiponjës për trimërinë e treguar në ngjarjen e rëndë të Visokës, ngjarje e hidur e vitit të mbrapshtë ’97.

Përmes një postimi në Twitter, ministri i Brendshëm Sandër Lleshaj thotë se Nebiu është rikthyer në detyrë pas 10 vitesh largimi.

MASAKRA E VISOKES

Në 18 Dhjetor të vitit 1997, në Mallakastër mbahet mend një prej masakrave më të rënda ndaj policisë. Tre efektivë do të vriteshin dhe 1 tjetër do të plagosej rëndë. I plagosuri ishte pikërisht Nebiu. Hyskaj eshte i mbijetuari i vetëm në masakrën ku u vranë kolegët e tij Arshi Bregasi, Veledin Pashaj dhe Bujar Hamiti. Fuoristrada e tyre, u sulmua me breshëri të egër nga 3 persona të armatosur me kallashnikovë.

Vetë polici ka rrëfyer në janar në emisionin “Top Story” tmerrin e asaj nate, ku pa të vrarë kolegët e tij. “Na thonë që kemi informacion që kanë dalë në Visokë ca person, po grabisin mjete, janë në filan vend, është një lokal aty, është një urë aty, 200-300 metër nga këtu. Nisemi ne, kishim plan të kalonim që këtej të shikonim se çfarë bëhej andej”, -tha Nebi Hyskaj, ish – punonjës policie.

“I vetmi informacion ishte ky që u dha nga oficeri i krimeve që një benz me targa me baltë dhe kavo, nuk verifikuam dot se prita ishte bërë më para, nuk verifikuam se kujt ishte benzi”, tha Ylli Ymeraj, ish shef komisariati, Mallakastër.

Mungesa e informacionit të saktë do të rezultonte fatale duke i kapur policët në befasi. Rruga pritet në mes nga tre persona të armatosur që dalin para mjetit të grupit të gatshëm.

“Unë me një kolegun tim, dalim nga makina, i themi jemi policia. Ata ndenjën pak dhe filluan të qëllonin me automatik, hapën zjarr.Ndjej goditje që mu thye këmba, mora goditje këtej, edhe rashë në tokë, Rashë në tokë e nuk pashë gjë për këta që ishin në makinë”, -tha Nebi Hyskaj, ish – punonjës policie.

Shoferi Arshi Bregasi dhe Veledin Pashaj ndërrojnë jetë në vend ndërkohë, Bujar Hamiti dhe Nebi Hyskaj u plagosën. Sot, i mbijetuari i vetëm, Nebiu, kujton se iu përgjigjën të shtënave të bandës me zjarr duke plagosur madje njërin prej tyre.

“Njëri nga ata ishte plagosur në rrugë e thotë mos qëlloni se jemi vëllezërit tuaj. Kur u futa te guri atje, dëgjoj një që thotë keni një atje, ik vrije. Unë skisha asnjë lloj arme, automatiku ishte bllokuar. -tha Nebi Hyskaj, ish – punonjës policie.

Të parët që mbërrijnë në vendngjarje janë shefi i komisariatit me 3 policët që e shoqëronin, pasi ata ishin rreth 150 metër distancë me mjetin e grupit të gatshëm.

“Ka pasur 4 breshëri në të njëjtën kohë, një polic na thotë shef na vranë.Atëherë ne që ishim 150 metër prapa, u hapëm në formacion luftimi, 4 veta që ishim. Dy ishin të vdekur dy të plagosur, Kontrolluam territorin se mos na sulmonin dhe ne nuk konstatuam gjë”, tha Ylli Ymeraj, ish shef komisariati, Mallakastër.

“Na marin ne, më marin mua me Bujarin, na çojnë në Ballsh, nga atje në Fier, në Tiranë. Bujarin e marrin për ta çuar në Greqi. Në Kakavijë, vdes në helikopter”, -tha Nebi Hyskaj, ish – punonjës policie.

Sipas dëshmive të sigurara nga Top Story, autorët e krimit ishin 3 persona, të cilët qëndronin krah për krah me njëri tjetrin, duke hapur zjarr pa pushim. Ndërkohë, një person i katërt qëndronte në distancë si sinjalizues për grupin kriminel (marre me shkeputje nga Top Story)

Nebi Hyskaj, i plagosur në përpjekje me bandat kriminale në ‘97, dekoruar me "Medaljen e Artë të Shqiponjës", i liruar e harruar që nga 2009, u rikthye në Policinë e Shtetit.Punë të mbarë Nebiut e mirënjohje të përjetshme për shokët e tij që dhanë jetën për Shqipërinë 🇦🇱👮‍♂🇦🇱

— Sandër Lleshaj (@SanderLleshaj) March 1, 2019

I mbijetuari i vetëm, Nebiu, sot ndjehet i braktisur, i harruar tërësisht nga shteti, thuhej në emision, e një muaj pas transmetimit, Lleshaj bëri të ditur se rikthehet në detyrë.

“Unë kam kaluar në stres, jam shumë i ndjeshëm dhe në trup kam një 3 lloj sëmundjesh nga stresi më janë krijuar diabeti, tension, teroide, dhe e ndjeje veten shumë të ofenduar, më mirë të kisha vdekur bashkë me këta”, -tha Nebi Hyskaj.

Visokes
Share. Facebook Twitter Pinterest LinkedIn Email WhatsApp

Postime te ngjashme

Ndërprerje masive e shërbimeve të Apple, përjashton sulmin kibernetik: Shkak një përditësim i brendshëm i sistemit

22:55 / November 17, 2026

Kate dhe William shkëlqejnë në Mumbai/ Princesha mahnit me bizhuteritë e Mbretëreshës Elizabeth dhe veshjen tradicionale indiane

22:21 / November 17, 2026

FBI jep alarmin për sulme kibernetike në mbarë botën

21:18 / November 17, 2026

Trump me deklaratë të fortë: Irani do paguajë një çmim që asnjë vend nuk e ka paguar ndonjëherë…

20:58 / November 17, 2026
Add A Comment
Leave A Reply Cancel Reply

This site uses Akismet to reduce spam. Learn how your comment data is processed.

© 2026 TiranaNews. Te gjitha te drejtat e rezervuara.
  • Kontakt
  • Politikat e privatesise

Type above and press Enter to search. Press Esc to cancel.