Dy të rinj janë konfliktuar me njëri tjetrin teksa janë arrestuar më pas na flagrancë pas një sherri që nisi për kanosjen e punonjëses së një dyqani.
Sipas policisë sherri mes pronarit të dyqanit, E. H., 37 vjeç dhe klientit J.K., 22 vjeç nisi pasi ky i fundit kërcënoi punonjësen. Për pasojë të konfliktit fizik 22-vjeçari ndodhet në spital i dëmtuar ndërkohë që gjatë kontrollit fizik atij iu gjet dhe një thikë.
“E. H., 37 vjeç, për veprën penale “Plagosja e rëndë me dashje” dhe J. K., 22 vjeç, për veprat “Kanosja” dhe “Mbajtja pa leje e armëve të ftohta”, pasi me datë 03.08.2021, në rrugën “Sami Frashëri” këta 2 shtetas janë konfliktuar fizikisht me njëri-tjetrin, sepse shtetasi J. K. ka kanosur një punonjëse në dyqanin në pronësi të shtetasit E. H. Si pasojë e konfliktit është dëmtuar shtetasi J. K., i cili ndodhet më spital, nën kujdesin e mjekëve. Në vijim të veprimeve, gjatë kontrollit fizik shtetasit J. K. iu gjet dhe iu sekuestrua një armë e ftohtë”, thotë policia..