Matjanët e teknikut Sajmir Patushi kanë fituar sot miqësoren e radhës. Burreli e ka dominuar përballjen me Tërbunin e Pukës dhe ka fituar 1-0.
Autori i golit për matjanët ishte Çema, sakaq gjyqtarët e takimit anuluan dy gola të tjerë të ekipit burrelas.
Kjo ndeshje i shërben trajnerit Patushi për testimin e lojtarëve të grumbulluar, për të ndërtuar një skuadër pretendente për një kategori më lart.
Deri në fillim të ndeshjeve zyrtare me siguri Burreli do të zhvillojë të tjera ndeshje miqësore, duke synuar përzgjedhjen e lojtarëve cilësorë për çdo sektor të fushës së blertë.