Një ditë pasi kryeministri Edi Rama në samitin e Diasporës kishte vetëm një gjë për opozitën: “Kur do flasim?”, vijon në rrjetet sociale me të tjera deklarata duke shpjeguar qëndrimin e tij me hashtagun “deri në fund”.
Rama ka folur për përballjen në gjykatë për shpifje, ku sipas tij janë 17 çështje gjyqësore në proces, për 10 prej të cilave pritet data e gjyqit. Rama thotë se 44 çështje të tjera janë rrugës për të hyrë në proces.
“17 çështje gjyqësore me Fabrikën e Shpifjeve tanimë në proces. Për 10 prej tyre pritet vetëm përcaktimi i datës së gjyqit.Të shohim a do nxjerrin prova a do nxjerrin lekë për të blerë libra për shkollat. 44 çështje të tjera janë rrugës për të hyrë në proces e shkuar #derinëfund”, shkruan Rama.