Japonia të dielën përkujtoi 76- vjetorin e dorëzimit në Luftën e Dytë Botërore të Dielën me një ceremoni të zymtë në të cilën Kryeministri Yosihide Suga u zotua që tragjedia e luftës të mos përsëritej kurrë, por e shmangu kërkimin e ndjesës për agresionin e vendit të tij.
Suga tha se Japonia nuk harron kurrë se paqja që gëzon sot vendi është ndërtuar mbi sakrificat e atyre që vdiqën në luftë.
“Ne do të angazhohemi me zotimin tonë për të mos përsëritur kurrë tragjedinë e luftës,” tha ai në fjalimin e tij të parë në këtë ngjarje që kur u bë kryeministër.
Suga nuk u kërkoi falje viktimave aziatike të agresionit japonez në të gjithë rajonin në gjysmën e parë të shekullit të 20 -të – një precedent i vendosur nga udhëheqësi i mëparshëm i vendit, Shinzo Abe, i cili akuzohej shpesh për përpjekjen për ta “llustruar “ të kaluarën brutale të Japonisë.
Në një fjalim të përqendruar kryesisht brenda vendit, Suga renditi dëmet e shkaktuara në Japoni dhe tek njerëzit e saj, përfshirë sulmet atomike të SHBA në Hiroshima dhe Nagasaki, bombardimin e Tokios dhe qyteteve të tjera dhe betejën e ashpër të Okinaëa, dhe mbajti zi për ta.