Japonia është tërhequr më shpejt sesa është parashikuar nga rënia ekonomike, e nxitur nga pandemia e koronavirusit, në prag të Lojërave Olimpike të Tokios.
Të dhënat zyrtare tregojnë se ekonomia e tretë më e madhe në botë është rritur dy herë më shumë sesa është parashikuar në periudhën prill-qershor.
Mirëpo analistët kanë paralajmëruar se rritja do të jetë modeste këtë çerek, pasi gjendja e jashtëzakonshme është rikthyer për të parandaluar përhapjen e koronavirusit.
Ndërkohë, të dhënat e reja tregojnë se rimëkëmbja ekonomike e vendit fqinj, Kinës, është duke humbur ritmin.
Prodhimi dhe shitjet me pakicë në Kinë është thënë se kanë pësuar rritje më të ngadalshme sesa pritej muajin e kaluar, krahasuar me një vit më parë.
Megjithatë, rimëkëmbja ekonomike në Japoni konsiderohet më e ngadalshme se ajo në ekonomitë e avancuara sikurse Shtetet e Bashkuara.
Në vitin 2020, ekonomia japoneze ka pësuar tkurrje me më shumë se 4.8 për qind, njëherësh tkurrja e saj e parë në më shumë se një dekadë.
/REL